Our History

2012-2013
၂၀၁၂ ခုနှစ်၊ ဒီဇင်ဘာလ ၁၂ ရက်နေ့တွင် အများနှင့်သက်ဆိုင်သော ကုမ္ပဏီလီမိတက်အဖြစ် အစုရှယ်ယာပေါင်း ၁၈,၀၀၀ စောင်၊ တစ်စောင်လျှင် ၁၀၀,၀၀၀ (တစ်သိန်း) ကျပ်ဖြင့် စတင်တည်ထောင်ခဲ့သည်။ တည်ထောင်ပြီးသည်နှင့် New Starlight ကုမ္ပဏီလီမိတက်မှ ရင်းနှီးမြှုပ်နှံသော မူဆယ်ဗဟိုစီးပွားရေးဇုန် စီမံကိန်းတွင် အခြေခံအဆောက်အအုံ လုပ်ငန်းများအတွက် ပင်မကန်ထရိုက်တာအဖြစ်ဖြင့် လုပ်ငန်းများကို စတင်ဆောင်ရွက်ခဲ့သည်။

2014
နမ့်ပေါ်ရေအားလျှပ်စစ် စီမံကိန်းအတွက် အကြို ဖြစ်နိုင်ခြေ စူးစမ်းလေ့လာခြင်းကို ၂၀၁၃ ခုနှစ်တွင် ဆောင်ရွက်ခဲ့ပြီး အဆိုပါ စီမံကိန်းအတွက် ရှမ်းပြည်နယ်အစိုးရနှင့် နားလည်မှုစာချွန်လွှာ (MOU) ၂၀၁၄ ခုနှစ်တွင် ရေးထိုးနိုင်ခဲ့သည်။ အခြားသော လူနေအိမ် အဆောက်အအုံ တည်ဆောက်ရေး လုပ်ငန်းများကိုလည်း လုပ်ကိုင်ဆောင်ရွက်ခဲ့သည်။ ထို့ပြင် မူဆယ်မြို့ မိဂဒါမဟာစေတီတော် စီမံကိန်းလုပ်ငန်းကိုလည်း စတင်နိုင်ခဲ့သည်။ဤနှစ်အတွင်း အစုရှယ်ယာ အစောင်ရေ ၂၆,၀၆၄ အထိ ရင်းနှီးမြှုပ်နှံမှု တိုးလာခဲ့သည်။

2015
ရှမ်းပြည်နယ်အစိုးရ၏ မူဆယ် နန်းတော်ဂိတ်၊ လူဝင်မှု ကြီးကြပ်စစ်ဆေးရေးစခန်း စီမံကိန်း၊ အရှေ့မြောက်တံခါး ကုမ္ပဏီမှ ရင်းနှီးမြှုပ်နှံသော မူဆယ် မြို့နယ်၊ မိုင်းယု ၁၀၅-မိုင် နယ်စပ် သစ်သီးကုန်စည်ဒိုင်ဈေး စီမံကိန်း၏ အခြေခံ အဆောက်အအုံ တည်ဆောက်ရေး လုပ်ငန်းများကို ဆောင်ရွက်ခဲ့သည်။ ဤနှစ်အတွင်း အစုရှယ်ယာ အစောင်ရေ ၅၄,၅၁၈ အထိ ရင်းနှီးမြှုပ်နှံမှု တိုးလာခဲ့သည်။

2016
ဤနှစ်တွင် မူလ အစုရှယ်ယာတစ်စောင်လျှင် တန်ဖိုးတစ်သိန်းရှိရာမှ တစ်စောင်လျှင် တန်ဖိုး ၁,၀၀၀ ရှိ အစုရှယ်ယာ အစောင်ရေ ၁၀၀ အဖြစ်သို့ ခွဲခဲ့သည်။ ရှယ်ယာအုပ်စု (က) (ခ) နှစ်မျိုးကိုလည်း သာမန်အစုရှယ်ယာ အုပ်စုတစ်မျိုးတည်းအဖြစ်သို့ ပြောင်းလဲခဲ့သည်။ ရန်ကုန်စတော့အိတ်ချိန်းသို့ စာရင်းဝင်နိုင်သော ကုမ္ပဏီ ၉ ခုတွင်လည်း ပါဝင်နိုင်ခဲ့သည်။ စီမံကိန်းလုပ်ငန်းအနေဖြင့် နိုင်ငံတော်အစိုးရ၏ ၁,၀၅၀ မဂ္ဂါဝပ် ရွှေလီ-၃ ရေအားလျှပ်စစ် စီမံကိန်းတွင် သံကူကွန်ကရစ် ရေလွှဲရေထုတ်ပြွန် တည်ဆောက်ခြင်း လုပ်ငန်းကို ဆောင်ရွက်နိုင်ခဲ့သည်။ ဤနှစ်အတွင်း အစုရှယ်ယာပေါင်း ၇,၁၀၉,၅၀၀ အထိ ရင်းနှီးမြှုပ်နှံမှု ရှိခဲ့သည်။